ഒരു സോഫ വാങ്ങുന്നതിന് മുമ്പ് ശ്രദ്ധിക്കേണ്ട കാര്യങ്ങൾ
നിങ്ങൾ ഒരു പുതിയ വീട് സജ്ജീകരിക്കാനോ അല്ലെങ്കിൽ നിങ്ങളുടെ നിലവിലെ സ്വീകരണമുറി നവികരിക്കാനോ ഒരുങ്ങുകയാണോ.ഒരു ദീർഘകാല നിക്ഷേപം എന്നനിലയിൽ ഒരു സോഫ വാങ്ങുന്നത് ഒരു സുപ്രധാന തീരുമാനമാണ്. വീട്ടുകാരും വീട്ടിലെത്തുന്നവരും ഉപയോഗിക്കുന്നതിനാൽ വളരെയേറെ ശ്രദ്ധയോടെ വാങ്ങേണ്ട ഫർണിച്ചറുകളിൽ ഒന്നാണ് സോഫ.അതിനാൽ സോഫ വാങ്ങുന്നതിനു മുമ്പ് വളരെ കാര്യങ്ങൾ പരിഗണിക്കേണ്ടതുണ്ട്.സാധാരണ ആളുകൾ ചെയ്യുന്ന ഒരു തെറ്റായ കാര്യം ഷോറൂം സന്ദർശിച്ചതിനു ശേഷം നിങ്ങൾക്ക് അനുയോജ്യമായത് ഏതാണ് എന്നാണ് ആലോചിക്കുക.നിങ്ങൾക്ക് അതു സമയനഷ്ടവും ചിലപ്പോൾ ധനനഷ്ടവും ഉണ്ടാക്കിയേക്കാം.ഈ ഗൈഡിൽ നിങ്ങളുടെ വീടിനു അനുയോജ്യമായ സോഫകൾ വാങ്ങുന്നത് എളുപ്പമാക്കുന്ന എല്ലാ കാര്യങ്ങളും ഉൾപ്പെടുത്തിയിട്ടുണ്ട്.
നിങ്ങളുടെ സ്വീകരണമുറിയുടെ വലിപ്പം
സോഫകൾ വാങ്ങാൻ ഫർണിച്ചർ സ്റ്റോറിൽ എത്തുമ്പോൾ അവ ഡിസ്പ്ലേ ചെയ്തിരിക്കുന്ന രീതി കണ്ടുമാത്രം തിരഞ്ഞെടുക്കരുത്. പലപ്പോഴും ഓരോ ഫർണിച്ചറിനും ഏറ്റവും അനുയോജ്യമായ മറ്റു പീസുകൾക്കൊപ്പമാവും അവ പ്രദർശനത്തിന് വച്ചിരിക്കുന്നത്.നിങ്ങൾ സോഫകൾ നോക്കാൻ തുടങ്ങുന്നതിനുമുമ്പ്, നിങ്ങളുടെ സ്വീകരണമുറിയുടെ വലിപ്പം അളക്കുക.മുറിയുടെ ലേഔട്ട് പരിഗണിക്കുക,മറ്റ് ഫർണിച്ചറുകളുമായി സോഫ എങ്ങനെ യോജിക്കും, സുഖമായി സഞ്ചരിക്കാൻ മതിയായ ഇടമുണ്ടെന്ന് ഉറപ്പാക്കുക.
സോഫയുടെ നീളവും, വീതി എന്നി അളവുകളെക്കുറിച്ചും ചിന്തിക്കണം.നിങ്ങളുടെ സ്ഥലത്തിൻ്റെ അളവുകൾക്കനുസരിച്ച് സോഫ തിരഞ്ഞെടുക്കുകയോ ഇഷ്ടാനുസൃതമാക്കുകയോ ചെയ്യുന്നതാണ് ഉത്തമം .
സോഫയുടെ ഉയരവും പരിഗണിക്കുക,കാരണം സോഫ ഒരു ഭിത്തിയോട് ചേർന്നാണ് സ്ഥാപിക്കുകയാണെങ്കിൽ,അത് ഡിസ്പ്ലേ ഷെൽഫുകൾ, ആർട്ടുകൾ അല്ലെങ്കിൽ സ്വീകരണമുറിയുടെ ആകർഷണീയത വർദ്ധിപ്പിക്കാൻ ആഗ്രഹിക്കുന്ന മറ്റു ഫീച്ചറുകൾക്ക് തടസ്സമാകരുത്. ഷോറൂമിൽ സോഫ മനോഹരമാണെന്ന് കരുതി മാത്രം എടുക്കരുത്
സോഫയുടെ ശൈലിയും രൂപകൽപ്പനയും
സോഫ ആധുനികമോ, പരമ്പരാഗതമോ, മിഡ് -സെഞ്ച്വറിയോ ഏതുമാകട്ടെ, അത് നിങ്ങളുടെ നിലവിലുള്ള അലങ്കാരത്തിന് ചേർന്നതായിരിക്കണം.മിക്ക സോഫകളും ചതുരാകൃതിയിലാണ്, എന്നാൽ, ഇന്ന് നിരവധി ഓപ്ഷനുകൾ ലഭ്യമാണ്.എൽ ആകൃതിയിലുള്ള സോഫകൾ മുതൽ അണ്ഡാകാരങ്ങളും അർദ്ധ ചന്ദ്രനും വരെ. ആകൃതി ഏതുമാകട്ടെ അത് നിങ്ങളുടെ വീടിന് അനുയോജ്യമായ ഒരു ശൈലിയായിരിക്കണം.കാരണം സോഫയുടെ ആകൃതി തീരുമാനിക്കുന്നത് അത് എവിടെ സ്ഥാപിക്കണമെന്നതിനെ ആശ്രയിചിച്ചിരിക്കും.സോഫയുടെ നിറം, ആകൃതി, ടഫ്റ്റിംഗ് അല്ലെങ്കിൽ നെയിൽഹെഡ് ട്രിം പോലുള്ള ഏതെങ്കിലും അധിക ഡിസൈൻ ഘടകങ്ങൾ എന്നിവയെല്ലാം നിങ്ങൾ പരിഗണിക്കണം.
സോഫയുടെ ഉപയോഗം
നിങ്ങൾ എന്ത് ഉപയോഗത്തിനുവേണ്ടിയാണ് സോഫ വാങ്ങുന്നത് എന്ന് ആദ്യം തന്നെ തീരുമാനിക്കുക.അതിഥികളെ സ്വീകരിക്കാനോ,ടീവി റൂമിൽ വിനോദത്തിനും വിശ്രമത്തിനുവേണ്ടിയാണോ അല്ലെങ്കിൽ ഉറങ്ങാൻ വേണ്ടിയാണോ ഉദ്ദേശിക്കുന്നത്? .
സോഫയുടെ ഉപയോഗം നിങ്ങൾക്ക് ആവശ്യമുള്ള സുഖസൗകര്യങ്ങൾ നിർണ്ണയിക്കും.മികച്ചതായി തോന്നുന്നത് കണ്ടെത്താൻ ഇരിപ്പിടങ്ങളുടെ വലുപ്പവും വ്യത്യസ്ത പില്ലോകളും പരിശോധിക്കുക.ഉയർന്ന ബാക്ക്റെസ്റ്റ് നിങ്ങളുടെ കഴുത്തിനെയും തോളിനെയും പിന്തുണയ്ക്കുന്നു.കൂടാതെ ചാരിയിരിക്കുവാൻ ഇഷ്ടപ്പെടുന്നതെങ്കിൽ,ചില സോഫകൾക്ക് കൂടുതൽ സുഖസൗകര്യങ്ങൾക്കായി ചാരിയിരിക്കാവുന്ന ഫീച്ചറുകൾ ഉണ്ട്. റിക്ലൈനർ ഫീച്ചറുകൾ ഇല്ലാത്തവയാണ് തെരഞ്ഞെടുക്കുന്നതെങ്കിൽ ലോയിൽ ഉള്ളതും ഡെപ്ത് കൂടിയതുമായ സീറ്റുള്ള സോഫ തിരഞ്ഞെടുക്കുക.കുഷ്യനുകളിലും സീറ്റിലും ചാരിലുമുള്ള മെറ്റീരിയലുകൾക്കനുസരിച്ച് ദൃഢത വ്യത്യാസപ്പെട്ടിരിക്കുന്നതിനാൽ, വ്യത്യസ്തമായവ പരീക്ഷിച്ച് നിങ്ങൾക്ക് അനുയോജ്യമായത് എന്താണെന്ന് കണ്ടെത്തുക.കാരണം കാഴ്ചയിൽ മനോഹരമായ എല്ലാ സോഫാകളും സുഖകരമാകണമെന്നില്ല.
സോഫയുടെ മെറ്റീരിയലും ഒപ്പം അപ്ഹോൾസ്റ്ററി ഫാബ്രിക്കും
അപ്ഹോൾസ്റ്ററി മെറ്റീരിയലിൻ്റെ തിരഞ്ഞെടുപ്പ് സോഫയുടെ സൗന്ദര്യാത്മക ആകർഷണത്തിന് മാത്രമല്ല, അതിൻ്റെ ഈട്, പരിപാലനം, ദീർഘായുസ്സ് എന്നിവയെ സ്വാധീനിക്കുന്നു. ഒരു സോഫ മെറ്റീരിയൽ തിരഞ്ഞെടുക്കുമ്പോൾ ജീവിതശൈലി, ഉപയോഗ രീതികൾ, പരിപാലന ആവശ്യകതകൾ എന്നിവ പോലുള്ള ഘടകങ്ങൾ പരിഗണിക്കുക. ആഡംബരപൂർണമായ തുകൽ, ലിനൻ, കോട്ടൺ തുടങ്ങിയ ഈടുനിൽക്കുന്ന തുണിത്തരങ്ങൾ മുതൽ വളർത്തുമൃഗങ്ങൾക്ക് അനുയോജ്യമായ ഓപ്ഷനുകൾ വരെ .
നിങ്ങളുടെ ജീവിതശൈലിക്ക് അനുയോജ്യമായ ഒരു മെറ്റീരിയൽ തിരഞ്ഞെടുക്കുക. കുട്ടികളോ വളർത്തുമൃഗങ്ങളോ ഉള്ള കുടുംബങ്ങൾ സ്റ്റെയിൻ-റെസിസ്റ്റൻ്റ് ഫാബ്രിക് അല്ലെങ്കിൽ എളുപ്പത്തിൽ വൃത്തിയാക്കാൻ കഴിയുന്ന കൃത്രിമ തുകൽ തിരഞ്ഞെടുക്കാം.നേരിട്ടുള്ള സൂര്യപ്രകാശത്തിൽ പ്രകൃതിദത്ത ഫാബ്രിക് മങ്ങിയേക്കാം,അതിനാൽ നിങ്ങൾ ഒരു വിൻഡോയ്ക്ക് സമീപം സോഫ ഇടാൻ പോകുകയാണെങ്കിൽ, സിന്തറ്റിക് ഫാബ്രിക് കൊണ്ടുള്ള ഒരു അപ്ഹോൾസ്റ്ററി തിരഞ്ഞെടുക്കുക. കൂടാതെ ഫാബ്രിക്കിന്റെ ഈട്, തുടർ പരിപാലനം എന്നിവയെല്ലാം പരിഗണിക്കുക.
അപ്ഹോൾസ്റ്ററി ഫാബ്രിക് തിരഞ്ഞെടുക്കുമ്പോൾ, പരിപാലിക്കാൻ എളുപ്പമുള്ളതും വളരെ മോടിയുള്ളതുമായ കോട്ടൺ, പോളി മിക്സ് ഫാബ്രിക് തിരഞ്ഞെടുക്കുക. മെറ്റീരിയലിന് ഉയർന്ന മാർട്ടിൻഡേൽ മൂല്യമുണ്ടെന്ന് ഉറപ്പാക്കുക,കാരണം അത്തരം സോഫ ഫാബ്രിക് ഉരച്ചിലും കീറലും ഉണ്ടാകുന്നത് തടയുകയും അഞ്ച് വർഷം വരെ നീണ്ടുനിൽക്കുകയും ചെയ്യും. അതിലോലമായ തുണിത്തരങ്ങളോ വളരെയധികം ത്രെഡുകളുള്ളവയോ എടുക്കുന്നത് ഒഴിവാക്കുക. സോഫയെ കൂടുതൽ ആകർഷകമാക്കാൻ ചില ആക്സൻ്റ് തലയിണകളോ ത്രോകളോ പില്ലോകളോ ചേർക്കുക.
സോഫകളിൽ ഏറ്റവും സാധാരണയായി ഉപയോഗിക്കുന്ന വസ്തു പോളിയുറീൻ ഫോമാണ്. ഫോമിന്റെ സാന്ദ്രത 28 മുതൽ 52 വരെയാണ്. ഒരു സുഖപ്രദമായ സോഫയ്ക്ക് അധികം കുഴിഞ്ഞു പോകാത്തതും എന്നാൽ അധികം കടുപ്പമോ ഇല്ലാത്ത ഫോമാണ് വേണ്ടത്. സാധാരണയായി 32 മുതൽ 45 വരെ സാന്ദ്രത അതിനു ഉണ്ടായിരിക്കണം.
സോഫയുടെ ഫ്രെയിമും നിർമ്മാണവും
ദീർഘായുസ്സ്, ഈട്, സുഖം എന്നിവ ഉറപ്പാക്കാൻ ഉയർന്ന നിലവാരമുള്ള സോഫ മാത്രം വാങ്ങുക .സോഫയുടെ ഗുണനിലവാരവും കരകൗശലവും വിലയിരുത്തുന്നതിന് ഫ്രെയിം, സ്പ്രിംഗുകൾ, അപ്ഹോൾസ്റ്ററി എന്നിവ ഉൾപ്പെടെയുള്ള സോഫയുടെ നിർമ്മാണം പരിശോധിക്കുക.ഉറപ്പുള്ള ഫ്രെയിം സോഫയുടെ ദീർഘായുസ്സ് ഉറപ്പാക്കുന്നു. പ്ലൈവുഡ് അല്ലെങ്കിൽ സോഫ്റ്റ് വുഡ് കൊണ്ട് നിർമ്മിക്കുന്ന ഫ്രെയിം ഉള്ള സോഫകൾ പൊതുവേ ഗ്രേഡ് കുറഞ്ഞവയായിരിക്കും.ഹാർഡ്വുഡ് ഫ്രെയിം ഉള്ള സോഫകൾ വാങ്ങാൻ ശ്രെമിക്കുക.
കൂടുതൽ ദൃഢതയ്ക്കായി സോഫയുടെ ജോയിന്റുകൾ ഡോവലും പശയും ഉപയോഗിച്ചു ഒട്ടിച്ചിട്ടുണ്ടെന്നും സ്ക്രൂ ചെയ്തിട്ടുണ്ടെന്നും ഒപ്പം പിന്തുണയ്ക്കായി പ്രതിരോധശേഷിയുള്ള സ്പ്രിംഗ് സംവിധാനങ്ങൾ ഉണ്ടെന്നും ഉറപ്പുവരുത്തുക.സ്റ്റേപ്പിളോ ആണിയെയോ മാത്രം ഉപയോഗിച്ചിട്ടുള്ള സോഫകൾ ഒഴിവാക്കുക.
തടി ഫ്രെയിമിന്റെ ഭാഗമായി തടി കൊണ്ടുതന്നെ കാലുകൾ നിർമിച്ചിരിക്കുന്ന സോഫകൾ തിരഞ്ഞെടുക്കുന്നതാണ് ഉചിതം.കാലുകൾ മാത്രം മെറ്റലിൽ നിർമിച്ചവ ഉപയോഗിക്കുന്നത് ചിലപ്പോൾ തറയ്ക്ക് കേടുപാടുകൾ ഉണ്ടാക്കുന്നതിന് കാരണമാകും.ഉയർന്ന കാലുകളുള്ള സോഫകളും അടിയിൽ ശൂന്യമായ ഇടവും ലഭിക്കുന്ന സോഫ തിരഞ്ഞെടുത്താൽ അത് കട്ടിലിനടിയിലെ തറ വൃത്തിയായി സൂക്ഷിക്കാനും മുറിക്ക് സ്ഥലബോധം നൽകാനും സഹായിക്കും.നന്നായി നിർമ്മിച്ച സോഫ തിരഞ്ഞെടുക്കുന്നതിലൂടെ, കേടുപാടുകളെക്കുറിച്ചു വേവലാതിപ്പെടാതെ നിങ്ങൾക്കെല്ലാവർക്കും വർഷങ്ങളോളം സുഖവും വിശ്രമവും ആസ്വദിക്കാനാകും.
സോഫയുടെ കുഷ്യൻ ഫില്ലിംഗ്
സോഫയുടെ കുഷ്യൻ ഫില്ലിംഗ് സുഖം,ഈട് എന്നിവയെ ഒരേപോലെ ബാധിക്കുന്ന ഒന്നാണ്.ഫോം കുഷ്യയനുകൾ സോഫക്കു ഉറച്ച പിന്തുണ നൽകുന്നു, അതേസമയം തൂവലുകൾ(ഫെതർ )നിറച്ച തലയണകൾ മൃദുവാണെങ്കിലും കൂടുതൽ മൈന്റന്റൻസ് ആവശ്യമാണ്. ഇവ രണ്ടിൻ്റെയും സംയോജനം സുഖസൗകര്യങ്ങളും ഈടു നിൽപ്പും ഒരേപോലെ പ്രദാനം ചെയ്യുന്നു.
ശരിയായ നിറം തിരഞ്ഞെടുക്കുക
പ്രവർത്തനക്ഷമതയും സവിശേഷതകളും
ആധുനിക സോഫകൾ നിങ്ങളുടെ ജീവിതാനുഭവം മെച്ചപ്പെടുത്തുന്നതിനായി രൂപകൽപ്പന ചെയ്തിരിക്കുന്ന വിവിധ സവിശേഷതകളും പ്രവർത്തനങ്ങളും ഉൾക്കൊള്ളുന്നു. ഏതൊക്കെ ഫീച്ചറുകൾ നിങ്ങൾക്കെല്ലാവർക്കും അനിവാര്യമാണെന്ന് നിർണ്ണയിക്കാൻ നിങ്ങളുടെ ജീവിതശൈലി ആവശ്യങ്ങളും മുൻഗണനകളും വിലയിരുത്തുക. റിക്ലൈനിംഗ് മെക്കാനിസങ്ങൾ, ഒറ്റരാത്രി അതിഥികൾക്കുള്ള സ്ലീപ്പർ സോഫകൾ, ബിൽറ്റ്-ഇൻ സ്റ്റോറേജ് കംപാർട്ട്മെൻ്റുകൾ അല്ലെങ്കിൽ ഫ്ലെക്സിബിൾ കോൺഫിഗറേഷനുകൾ അനുവദിക്കുന്ന മോഡുലാർ ഡിസൈനുകൾ എന്നിവ പോലുള്ള ഓപ്ഷനുകൾ പരിഗണിക്കുക. സ്റ്റൈലിഷ് ആയി തോന്നുന്നത് മാത്രമല്ല, നിങ്ങളുടെ ആവശ്യകതകൾ നിറവേറ്റുന്നതിനുള്ള പ്രായോഗിക സവിശേഷതകളും നൽകുന്ന ഒരു സോഫ തിരഞ്ഞെടുക്കുക.
ബജറ്റ്
മാർക്കറ്റ് ഓപ്ഷനുകൾ നിറഞ്ഞതാണ്.നിങ്ങൾ എത്രമാത്രം ചെലവഴിക്കാൻ തയ്യാറാണെന്ന് നിർണ്ണയിക്കുക. ഉയർന്ന വില പലപ്പോഴും മികച്ച ഗുണനിലവാരവും ദീർഘായുസ്സും അർത്ഥമാക്കുന്നുവെന്ന് ഓർക്കുക നിങ്ങളുടെ പണത്തിന് ഏറ്റവും മികച്ച മൂല്യം ലഭിക്കുന്നുണ്ടെന്ന് ഉറപ്പാക്കാൻ വിവിധ റീട്ടെയിലർ ഷോപ്പുകളിൽ സന്ദർശനം നടത്തി വില താരതമ്യം ചെയ്യുക.
Very Informative
ReplyDelete